धनगढी, १३ जेठ/कैलालीको धनगढीमा बस पल्टिएको छ। बिहीबार राति करिब ११ बजेतिर धनगढी उपमहानगरपालिका ४ स्थित जलशा होटेल नजिक से१ख २५५२ नम्बरको बस पल्टिएको हो ।
जन्ति पुर्याएर फर्कँदै गरेको उक्त बस आफै अनियन्त्रित भई पल्टिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले बताए।सो बसमा चालक र सहचालक मात्र रहेका थिए ।
दुर्घटनापछि बस चालक कैलालीको गोदावरी नगरपालिका ५ गेटाका ३० वर्षीय लक्ष्मण बोहरा फरार भएका छन् ।
गाडीका सहचालक बझाङको वित्थडचिर गाउँपालिकाका २० वर्षीय सुरेश बोहरा सामान्य घाइते भएका र उनी नवजीवन अस्पतालमा उपचार गरी गइसकेको प्रवक्ता जोशीले बताए।
