तिहार र छठपछिको पहिलो कारोबारमा १.३९ अङ्कले बजार वृद्धि ,कारोबार एक अर्ब नाघ्यो


[ss_social_share]
लेखक : Mina pant      १ वर्ष अगाडि मा प्रकाशित     
तिहार र छठपछिको पहिलो कारोबारमा १.३९  अङ्कले बजार वृद्धि ,कारोबार एक अर्ब नाघ्यो

तिहार  र छठ  बिदा पछिको पहिलो कारोबारमा सेयरबजार १.३९  वृद्धि अङ्कले  भएको छ ।

करिब एक साता बन्द भएको बजार आज ०.०७ प्रतिशत अर्थात् १.३९ अंक विन्दुले बढेर  १८५३.४८ विन्दुमा पुगेको हो ।

आज कारोबार भएका २८४ कम्पनीको ३३ लाख १९ हजार ५५८ कित्ता सेयर ४४ हजार ७२७ सङ्ख्यामा खरिद बिक्री हुँदा कारोबार रकम १ अर्ब ९ करोड ९३ लाख १८ हजार २९ रुपैयाँमा समेटिएको छ ।

आज बजार सँगै कारोबार रकम पनि बढेको छ  ।

अघिल्लो कारोबारको दिन कुल ८३ करोड ६० लाख ५ हजार ६ सय ५६ रुपैयाँ बराबरको कारोबार भएको थियो ।

आज सर्वाधिक कमाउनेतर्फ Global IME Laghubitta Bittiya Sanstha Ltd.र  Karnali Development Bank Limited   रहेका  छन  ।

उक्त कम्पनीहरुको सेयर मूल्य १० प्रतिशतको हाराहारीमा वृद्धि भयो । सोमबार सर्वाधिक गुमाउने मध्ये  Forward Microfinance Laghubitta Bittiya Sanstha Limited  र  Sayapatri Hydropower Limited रहेका  छन  ।  ती कम्पनीको सेयरमूल्य १० प्रतिशतले घट्यको छ ।

आज ट्रेडिङ उपसूचक सर्वाधिक १.४२ प्रतिशतले बढ्दा विकास बैंक उपसूचक १.२६ प्रतिशतले र लाइफ इन्स्योरेन्स उपसूचक ०.९७ प्रतिशतले बढ्यो । आज उत्पादन उपसूचक सर्वाधिक १.९१ प्रतिशतले घट्दा होटल तथा पर्यटन उपसूचक १.८३ प्रतिशत र माइक्रोफाइनान्स उपसूचक १.४२ प्रतिशत घट्यको छ  ।

चाडपर्वपछि आज कारोबारमा आएको बजारको कुल बजार पुँजीकरण २८ खर्ब ५५ अर्ब १६ करोड ३० लाख रुपैयाँमा समेटिएको छ ।