मोटरसाइकल दुर्घटना हुँदा एक जनाको मृत्यु

बेलौरी,३ साउन । कञ्चनपुरमा मोटरसाइकल दुर्घटना हुँदा एक जनाको मृत्यु भएको छ। जिल्लाको भीमदत्त नगरपालिका–९ का रमेश धामीको मोटरसाइकल दुर्घटना हुँदा मृत्यु भएको हो। सोमबार साँझ ब्रह्मदेव क्षेत्रमा धामीले चलाएको मोटरसाइकल अनियन्त्रित भइ दुर्घटना भएको थियो ।

उक्त दुर्घटनामा परी गम्भीर घाइते भएका धामीको उपचारका क्रममा महाकाली अस्पतालमा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ।