काठमाडौं,१ साउन । – पछिल्लो २४ घण्टामा देशभर थप १ सय ३५ जनामा कोरोना भाइरस संक्रमण पुष्टि भएको छ भने मृत्यु हुनेको संख्या एक रहेको छ । स्वास्थ्य तथा जनसंख्या मन्त्रालयका अनुसार ३ हजार ४१ परीक्षणमा १ सय ३५ जनामा संक्रमण भएको हो । जसमध्ये १ हजार ४ सय ७३ जनाको पीसीआर परीक्षण गर्दा १ सय १४ जना र १ हजार ५ सय ६८ जनाको एन्टिजेन परीक्षण गर्दा २१ जनामा संक्रमण देखिएको मन्त्रालयको भनाइ छ ।
योसँगै कोरोना भाइरसको सक्रिय संक्रमितको संख्या १ हजार ४३९ पुगेको छ । पछिल्लो २४ घण्टामा ५९ जना संक्रमणमुक्त भएका छन् । आइबार थपिएसँगै नेपालमा कोरोना संक्रमितको कुल संख्या ११ लाख २२ हजार ३३६ पुगेको छ ।
योसँगै नेपाल मृत्यु हुनेको संख्या ११ हजार ९५३ पुगेको छ भने ९ लाख ६८ हजार १६ जना संक्रमणमुक्त भएका स्वास्थ्य तथा जनसंख्या मन्त्रालयले जनाएको छ
