काठमाण्डाै,२९ असार । नेपालमा फेरि कोरोना संक्रमण उकालो लाग्न थालेको छ । पछिल्लो २४ घण्टामा देशभर थप २०६ जनामा कोरोना सक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार नेपालमा आज एकैदिन २०६ जनामा संक्रमण पुष्टि भएको हो ।
पछिल्लो २४ घण्टामा दुई हजार ८२ जनाको पिसिआर परीक्षण गर्दा १७७ जना र एक हजार ९३ जनाको एन्टिजेन परीक्षण गर्दा २९ जनामा संक्रमण पुष्टि भएको हो । यो अवधिमा ४५ जना कोरोना संक्रमणमुक्त भएका छन् । यो सँगै देशभर सक्रिय संक्रमितको संख्या एक हजार ५ पुगेको नयाँ संक्रमितको संख्या २०६ पुगेको मन्त्रालयले जनाएको छ ।
