कञ्चनपुर, २६ असार । कञ्चनपुर उद्योग वाणिज्य संघको अध्यक्षमा पिताम्बर जोशी निर्वाचित भएका छन । वाणिज्य संघको १७ औँ कार्यकारणी समिति चयनका लागि शनिबार भएको निर्वाचनमा अध्यक्षमा पिताम्बर जोशी निर्वाचित भएका हुन ।
उनले आफ्ना निकटतम प्रतिद्वन्दी गणेश दत्त जोशीलाई ५सय ५८ मतको अन्तरले हराउँदै अध्यक्षमा निर्वाचित भएका हुन । मुख्य निर्वाचन अधिकृत पूर्ण बहादुर चन्दले आइतबार दिउँसो मत परिमाण घोषणा गर्दै अध्यक्ष पदका प्रतिस्पर्धी पिताम्बर जोशीले १ हजार २ सय ९९ र अर्का प्रतिसपर्धी गणेश दत्त जोशीले ७ सय ८३ मत ल्याएको बताए ।
तीन पदमा मात्रै निर्वाचन भएकोमा तीनै पदमा पिताम्बर जोशी प्यानल नै निर्वाचित भएका छन । बाणिज्य उपाध्यक्षमा धर्मसिह रावल र महासचिवमा खगेश्वर बोहरा निर्वाचित भएका हुन ।
कुल ३ हजार २३६ मतदात मध्ये २ हजार १ सय ८४मत खसेका थिए ।
