नदीको किनारमा एक युवतीको शव फेला

बेलाैरी, १६ असार । कञ्चनपुरमा खोलामा बगेर एक बालक बेपत्ता भएका छन् ।  बेपत्ता हुनेमा शुक्लाफाँटा नगरपालिका–१० झलारीका १३ वर्षीय रघुवीर जोशी हुन् । उनी (रघुवीर जोशी)  खोलामा नुहाउने क्रममा बुधबार साँझ बगेर बेपत्ता भएका प्रहरीले बताएको  छ  ।

खोलाको किनारामा कपडा र चप्पल फेला परेपनि बालकको अवस्था अज्ञात रहेको झलारी इलाका प्रहरी कार्यालयका प्रहरी निरीक्षक ज्ञानेन्द्र सिंहले जानकारी दिए । उनको खोजीका लागि प्रयास भइरहेको प्रहरी निरीक्षक सिंहले बताए ।

यस्तै भीमदत्त नगरपालिका–९ खल्लास्थित महाकाली नदीको किनारमा एक युवतीको शव फेला परेको छ । हनाम, थर, वतन नखुलेकी ती १९ वर्षीया महिला बुधबार नै मृत अवस्थामा फेला परेकी प्रहरीले जनाएको छ  ।