बेलाैरी, २९ जेठ। कञ्चनपुरमा लागूऔषध (खैरो हेरोईन)सहित २ जना पक्राउ परेका छन्। कञ्चनपुरको बेदकोट नगरपालिका ६ मुसेपानी बस्ने १८ वर्षीय विकाश चौधरी र भिमदत्त नगरपालिका २ महौलिया बस्ने २५ वर्षीय सुवाश चौधरीलाई प्रहरीले पक्राउ गरेको हो।
ईलाका प्रहरी कार्यालय बेल्डाँडी र प्रहरी चौकी झिलमिलाबाट खटिएको प्रहरी टोलीले उनीहरुलाई २ ग्राम ६९० मिलिग्राम खैरो हिरोइनसहित पक्राउ गरेको प्रहरीले बताएको छ। कञ्चनपुर बेल्डाँडी गाउँपालिका ३ राधाकृष्ण माध्यमिक बिद्यालयबाट लु ८४ प ८१०८ नम्बरको मोटरसाइकलसहित उनीहरुलाई पक्राउ गरेको कञ्चनपुर प्रहरी प्रवत्ता प्रहरी नायव उपरीक्षक चक्रबहादुर शाहले बताए। उनीहरुलाई नियन्त्रणमा लिई कानून बमोजिम थप अनुसन्धान भईरहेको प्रहरी प्रवत्ता प्रहरी नायव उपरीक्षक शाहले बताएका छन् ।
