बेलौरी, २९ जेठ/कञ्चनपुरमा एक महिला छ दिनदेखि हराएकी छिन् । जिल्लाको लालझाडी गाउँपालिका – ३ की ३८ वर्षीया रामकली राना यही जेठ २३ गतेदेखि हराएकी हुन् ।
उनी फूपू भेट्न बेदकोट नगरपालिकाको दैजी जान्छु भनेर यही जेठ २३ गते घरबाट निस्केकी थिइन् । २६ गते उनको मोबाइलबाट ३/४ पटक फोन आएको तर आवाज नसुनिएको र केही समयपछि मोबाइल स्विच अफ आएको उनका जेठाजु गजेन्द्र रानाले बताए ।
खोजतलासका लागि इलाका प्रहरी कार्यालय बेलौरीमा आफन्तले निवेदनसमेत दिएका छन् । प्रहरीे र आफन्तले रामकलीको खोजबिन गरिरहेका छन् । हालसम्म पत्ता लाग्न सकेको छैन । रामकलीका श्रीमान् रामसाहेव रानाको गत वर्ष मृत्यु भएको थियो । उहाँ १५ वर्षीय छोरासँग बस्दै आएकी छन् ।
उनलाई कसैले देखे वा भेटाए नजिकको प्रहरी चौकी वा फोन नम्बर ९८२२६२८३९३ मा खबर गरिदिन उनका आफन्तले अनरोध गरेका छन् ।
