धनगढी, १९ जेठ /इलाका प्रहरी कार्यालय सुखडबाट एक थुनुवा कैदी हतकडी सहित फरार भएका छन् ।
बुधबार स्वास्थ्य परीक्षण गरेर फर्किने क्रममा घोडाघोडी नगरपालिका २ साडेपानीका २४ बर्षीय कृष्ण पाण्डेय हतकडी सहित फरार भएको इलाका प्रहरी कार्यालय सुखडका प्रमुख प्रहरी नायव उपरीक्षक लक्ष्मण शाहीले जानकारी दिए ।
१४ जेठमा पाण्डे सहित अन्य दुई जनालाई प्रहरीले आगु औषध सहित पक्राउ गरेको थियो । उपचार गरेर फर्किने क्रममा फरार रहेका पाण्डेको खोजी जारी रहेको प्रहरी प्रमुख शाहीले बताए ।
